تنتقل الكاميرا الى ال living room... (جيبنا كاميرا ديجيتال عقبال عندكوا)
يهرول سامح وسيف الى الصالون فور معرفتهم بأن الزائر هو.........
بووووووووووووبى
فتتسأل الجدة : مالكم مسروعين على ايه!!!!!!!!
هما بيجروا كده ليه يا سهر.....؟؟؟؟؟؟؟؟
سهر : اصل بوبى عندنا يا تيتا
الجدة : بوبى مين يا بت ؟؟؟؟ ..أأأأه ..بتاعت ابراهيم سعيد؟؟؟؟؟؟
هى سابته فى غانا وجايالنا.......!!!!!!!!!!
سهر : لأ يا تيييييييييييييييتا... ......دى بوبى زميلة سالي فى الجامعة
الجدة : ا ا ا ا ا ه...مش البت دى ام ضب...
سهر : لا ماهى شالت التقويم وسنانها اتظبطوا خلاص
الجدة : هى دى بقى الملهوفين عشان يشوفوها.... .....!!!!!!!!.
على رأى المثل
يا ريتنى وحشة وليا ضب.... دا الضب عند الرجال يتحب
يا كاميرا مان لف وارجع تانى ع الصالون
صورة ثابتة لسامح وسيف وهما محملقين ل بوبى فى انبهااااار
سعاد باستغراب لايخلو من الخبث : ايه يا سامح هوه الماتش خلص!!!
يظهر الارتباك على سامح فينقذه سيف قائلا
لا الماتش ده مش مهم
حنتفرج بكره لما مصر تلعب
سامح بود شديد (سهوكّة ) : طبعاً انتى مالكيش فى الكورة يا بهيرة
بوبى : لا يا عمو..... دا انا حتى نازلة مخصوص وقت الماتش والشوارع فاضية علشان المعاكسات
سيف مغمغماً : عندهم حق
سالى : عندك حق يا بهيرة... المعاكسات دى بقت حاجة بايخة اوى
سعاد معترضة : يعنى البنات يلبسوا المحزق والملزق ومش عايزين حد يعاكسهم
بوبى : لا يا تنت... دول مابيفرقشى معاهم اللبس . ...
دول حتى بيعاكسوا المنقبات..
وبعدين انا لما بسافر بره مش بسمع اى كومممنت على لبسى
سامح بنفس الود ( السهوكّة) : معندهمش نظر
فتعاجله سعاد بنظرة اشمئناط حتى يعود الى رشده
ثم تنظر لبهيرة وتقول وقد بلغ السيل الزبد :
تتمختر وتتغندر وتقول يأذوها شباب البندر
منورة يا حبيبتشييييييييييييييي
هناك 3 تعليقات:
انا مع بوبى فى النقطة دى
وميصحش نلتمس العذر للمؤذى من شباب البندر لما البنت تتمختر وتتغندر
بس بردو اللى ياذيه سماع كومنت على لبسه, يلبس قريب من لبس الناس
بصراحة انا لازم اشوف بوبى بنفسى علشان اقدر احكم
بعد دخول الكاميرا الديجيتال... أعتقد انه جه الوقت اللي نجيب فيه شاشة LCD بناءاً على طلب الجماهير... تبرعوووووا تبرعوووا..
هيا البلوج اتوقف نموها خلاص
إرسال تعليق