تذهب سالي لفتح باب الشقة متذرذرة على أثر الخناقة
( لمعرفة تفاصيل الخناقة ارجع للحلقة 9)
تفتح الباب والدخان طالع من ودانها فتجد امامها صديقاتها اللهلوبة اللعّوبة بهيرة.........
الشهيرة داخل الاسرة باسم.... بوبى ........ (طبعا كلنا عارفين ليه سمٌوها كده )
فتنزل المفاجأة على سالى كدلو ماء بارد على رأسها المستشيط .... ....فتعمل تششششششششششششش
تنظر سالى الى ثيابها غير المهندمة واللكلوك فى قدميها وتقول فى ارتباك :
بهيرة.!!!!!... ...أ.أ.أ أ....أهلا أهلا يا بهيرة
بوبى : هاى يا سوسو ...ازيك.....سورى جيت من غير ميعاد...
سالى : لا طبعاً ....انتى بتقولى ايه؟؟؟؟..يا بنتى دا بيتك... اتفضلى... .
فتدخل بوبى تتمايل بدلال يشوبه بعض الاستهبال
وتقابلها سعاد التى يسبقها فضولها لمعرفة من الزائر ؟؟؟؟؟
بوبى : ازييك يا تتتواانت
ترد سعاد بسعادة مصطنعة لتخفى علامات الارتباك من اثر رؤية صديقة ابنتها اللعوب
أهلاً يا بوووو .....أهلاً أهلاً يا بهيرة ..إزيك و إزي ماما....
إتفضلي .... إتفضلي يا حبيبتى
يدخل الجميع الى الصالون ويتخذ كلً منهم مقعده
بوبى : إزي سهر.. .. عاملة ايه فى المذاكرة؟؟؟؟؟؟
سعاد : ولا بتذاكر ولا حاجة ....ليل ونهار قدام ستار أكاديمى
بوبى : لا ياتنت ...لازم تشد حيلها شوية..
دا انا لما كنت فى ثانوي كنت بذاكر تول الليل..... مع هيثم وتامر زمايلي
سعاد بخبث : ما أنتى طول عمرك شاطرة يا بهيرة..........
ماشاء الله عليكى
مغمغمة بطريقة غير مفهومة :
اللى يسيب غنمته تجيبله معاها تيس
يتبع,
هناك 6 تعليقات:
رائعة ..
ادعوك لزيارة مدونتى
http://2alam-rosas.blogspot.com/
ارجوك بلاش انتى.. مين حيأمثل عليهم بعدك
وكمان ان مستنى الحلقة ال11
http://semsema.blogspot.com/2011/06/blog-post_07.html
طب انا دلوقتي بغلي.... وساكنة في شارع الداخلية, اروح افجر نفسي فيهم؟؟؟
@أندرو أشرف
شكراً للمتابعة وعجبتني مدونتك جداً
@مدونون بلا قيود
خلاص تراجعت عن تفجير نفسي فيهم عشان أنشر الحلقة 11 مخصووووص ليك يافندم
غالي والطلب رخييييص (بأمثل برضه) ;)
بس كان نفسى اشوف تعليقك التانى اللى خلاّ سامية جاهين تمارس معاكى سياسة مقص الرقيب وتمنع نشره
@مدونون بلا قيود
ليييييييييه ظلم الإنسان لأخيه الإنسان!!! أنا اللي حذفت التعليق لأنه اتكرر
سامية جاهين براءة ;)
إرسال تعليق